Төв аймгийн Засаг даргын тамгын газар болон нийгмийн салбарын байгууллагуудтай хамтран Эрдэнэ суманд “Явуулын үйлчилгээ”-г 2024 оны 09 дугаар сарын 16-ний өдөр зохион байгууллаа. “Явуулын үйлчилгээ”-ний үеэр Нийгмийн даатгалын тухай хууль тогтоомжид орсон нэмэлт өөрчлөлтүүд, Нийгмийн даатгалын ерөнхий газраас шинэчлэгдэн баталсан журам, зааврыг танилцуулж, иргэд, даатгуулагчид тэтгэвэр, тэтгэмж, сайн дур, ажилгүйдэл, эрүүл мэндийн даатгал, нийгмийн даатгалын цахим үйлчилгээ, архивын үйлчилгээ, шимтгэлийн тайлан зэрэг гол нэр төрлийн үйлчилгээнүүдийг үзүүлж ажиллалаа. Өдөрлөгийн үеэр нийт 52 даатгуулагч, тэтгэвэр авагчид тэтгэвэр, тэтгэмжийн зөвлөгөө, зөвлөмж өгч, 70 иргэнд гарын авлага, тараах материал тарааж нийгмийн даатгалын үйлчилгээг сурталчлан ажиллалаа.