Эрүүл мэнд, нийгмийн даатгалын ерөнхий газрын Эрүүл мэндийн даатгалын бодлогын хэрэгжилтийн газар, Азийн хөгжлийн банкны “Эрүүл мэндийн даатгалын тогтолцоог бэхжүүлэх нь” төслийн дэмжлэгтэйгээр тус газрын мэргэжилтэн эмч нар, Аймаг, дүүргийн Эрүүл мэнд, нийгмийн даатгалын хэлтсийн Эрүүл мэндийн даатгалын тасгийн дарга, хяналтын байцаагч, эмч нарыг чадавхижуулах сургалтыг 2017 оны 02 дугаар сарын 13-17 өдрүүдэд нийслэл Улаанбаатар хотод зохион байгуулж байна.
Уг сургалт нь Эрүүл мэндийн даатгалын хуулийг хэрэгжүүлэх талаар Эрүүл мэндийн даатгалын тасгийн дарга, байцаагч эмч, мэргэжилтнүүдийг мэдээллээр хангах, эрүүл мэндийн тусламж, үйлчилгээ, эмийн бүтээгдэхүүний өнөөгийн өөрчлөлт, зонхилон тохиолдох өвчний оношилгоо, эмчилгээний шинэчлэлтэй холбоотой мэдээлэл өгөх, мэргэжлийн удирдлага, арга зүйгээр хангахад чиглэгдэнэ.